Sarkar-e-Masauli
Menu
Hazrat Sayyid Mir Muhammad Ismail Wasiqi Qadri Razzaqi Bilgrami Sahib bade ba-karamat buzurg thay. Aap se bohot kasrat ke saath khawariq-e-adaat sarzad hui. Nizam-ul-Ami aur Dar Irfan mein bohot si karamaat darj hain.
Ek gawala bohot aqeedat se rozana bhains ka doodh le kar hazir-e-khidmat hota tha. Ittefaqan teen din musalsal naagha ho gaya. Hazrat Mir Ismail Sahib ne ja kar us ke halaat daryaft kiye. Us ne kaha: “Jis bhains ka doodh le kar mein hazir hota tha, wo beemar ho kar mar gayi. Meri rozi us par moqoof thi, ab tabah ho gayi.” Hazrat Mir Sahib ne uski laash ke baare mein poocha ke kahan hai, us ne Hazrat Mir Sahib ko le ja kar uski laash dikhayi. Hazrat Mir Sahib ne mardah bhains ki pusht par thokar maari aur farmaya: “Tum ba-izan-i-Allah, Allah ke hukm se khadi ho jao.” Bhains foran uth kar khadi ho gayi.
Ek baar ka waqia hai ke Huzoor Sarkar Bansa ki khidmat-e-bafiq mein ek qafila bay’at hone ke liye hazir aaya. Us waqt Huzoor Sarkar Bansa apne hujra shareef mein jalwa-bar thay. Qafila ke logon ne sharf-e-ziyarat ke baad aap se mureed hone ka izhaar kiya. Is par Huzoor Sarkar Bansa ne foran Farmaya :Ke tum sabhi ka hissa Sayyid Aali Nasab ke paas hai. Kuch der ke baad vo kafla ijazat le kar Huzur Sarkar e Masauli ki khidmat e aqdas masauli sharif mein hazir hua is waqt huzur Sarkar e Masauli apne hujre ke ander alaam e Istighraaq mein maḥw thay wo kafla kafi dair intezaar krne ke baad wapas Sarkar e Basa’n ki bargah mein hazir hua huzur Sarkar e Basa’n ne daryaft kiya ke tumlog kyu wopis aaye?? Is par arz kiya, Huzoor, unhone hamari taraf nazar-e-iltifaat nahi farmaayi.Is par Huzoor Sarkar Bansa ne farmaya, Phir wahan wapis jao ke tumhara hissa wahi hain Dobara who qafila Masuli Shareef wapis aaya, unhein phir wohi pehla wala manzar nazar aya kafi der intezar ke baad Phir wapis Sarkar Bansa ki bargah mein hazir-e-khidmat hue kafi dair ke baad Huzoor Sarkar Bansa se mulaqat hui, Huzoor Sarkar Bansa ne dekhte hi farmaya, Tum log phir wapis aa gaye. Jaao, tum logon ka hissa mere Sayyid Aali Nasab ke paas hi hai. Ab wapis mere paas mat aana.Woh sabhi log foran Masuli Sharif ke liye rawana hue huzur Sarkar e Masauli ki bargah mein pohche Kar ba adab haath baandhe khade rahe kuch dair baad huzur Sarkar e Masauli Aalim-istighraaq se bedaar hue to un logon ko khade dekh kar, do logon ka haath pakad kar baitha liya. In dono ke saron par apna fulka mubarak daala. Filt ka daalna hi tha ke in dono ke dil ki duniya badal gayi. Dekhte hain ke Huzoor Sarkar Masuli Rasul-e-Kainaat, Fakhr-e-Maujoodat, Saahib-e-Lawlaak ﷺ, ki yateem ki muqaddas mehfil mubarak mein hazir hain aur Huzoor Sarkar Masuli ke humraah hum dono bhi hazir hain. Ziyarat se faizyaab hone ke baad, Huzoor Sarkar Masuli ke qadmon se lipat gaye aur arz ki, Huzoor, hum logon ko mureed farma lein. Huzoor Sarkar Masuli ne khaas tareeqay se bay’at farmayi. Bay’at farma kar khilafat o ijazat, jubbah dastaar se nawaza. Yeh dono hazrat ek jayyid ‘aalim-e-deen aur mufti-e-waqt thay aur in dono ke asma-e-grami ye hain: Wasil ila Allah Hazrat Maulana Mufti Jarullah Qadri Ismaili Qaddas Sirrah
Wiladat: 18 Rajab al-Murajjab 1104 Hijri, Wafat: 11 Rabi’ al-Thani 167 AH.
Aarif Billah Hazrat Maulana Mufti Baar Allah Qadri Ismaili Quddisirruh
Wiladat: 13 Rabi’ al-Noor 1108 Hijri, Wafat: 28 Safar al-Muzafar 1175 Hijri.
Yeh dono nafoos-e-qudsiya ta-hin-e-hayat Khanqah-e-Aaliya Ismailiya apne Peer-o-Murshid ki khidmat mein hazir rahe aur dars o-tadrees, qaza o-ifta ka kaam anjam dete rahe. Apne Murshid ki shab o-roz khidmat ka sila unhein yeh mila ke Parwardigar-e-Aalam jal-sha’na ne zindagi mein Rasul-e-Akram (Sallahu Alaihi wasallam)ki ziarat karayi. Unhein ba’d-e-wisaal apne Peer-o-Murshid Hazoor Sarkar Masooli ke qadam naaz mein jagah naseeb hui. Aur khaas baat yeh hai ke dono ki mazaraton se ek noori kiran namoodaar rehti hai, jise ahl-e-nazar aaj bhi baseerat ki nigah se dekhte hain. (Dar Irfaan, number 77)
Shuja’ al-Dawlah ki Angrezon ke saath Buksar mein jang hui. Saadat Pech Bhia mein se do shakhs, Syed Nawazish Ali aur Syed Muhammad Ata, jang mein zakhmi ho kar gir pade. Jang ke baad Syed Ata ko to log uthakar le aaye aur who sehat yaab ho gaye, lekin Mir Nawazish Ali teen din tak laashon ke darmiyan pade rahe. Ek shakhs rozana aata aur halwa aur pani ka aabkhora pohnchata. Teen din ke baad log laashon ko dafan karne gaye to Mir Nawazish Ali ko unke darmiyan zinda paa kar uthaa laye aur ilaaj mulaahiza shuru hua. Zindagi baqi thi, is liye shifa pa gaye. Jab Mir Nawazish Ali apne watan Ke baad log laashon ko dafan karne gaye to Mir Nawazish Ali ko unke darmiyan zinda paa kar uthaa laye aur ilaaj mulaahiza shuru hua. Zindagi baqi thi, is liye shifa pa gaye. Jab Mir Nawazish Ali apne watan Masooli apne Murshid Hazrat Syed Mir Muhammad Ismail Wasi’I Sahib ki khidmat mein pohnche to shikayat ki ke main teen din tak laashon ke darmiyan pada raha hoon aur aap ne khabar na li. Hazrat Mir Sahib ne muskara kar farmaya: “Halwa khaa liya aur bhool gaye.” Is waqt Syed Nawazish Ali ko pata chala ke Hazrat Syed Mir Muhammad Ismail Wasi’I Sahib halwa pohnchate the. (Nazm al-Ali Qalami)
Shuja’ al-Dawlah ki Angrezon ke saath Buksar mein jang hui. Saadat Pech Bhia mein se do shakhs, Syed Nawazish Ali aur Syed Muhammad Ata, jang mein zakhmi ho kar gir pade. Jang ke baad Syed Ata ko to log uthakar le aaye aur who sehat yaab ho gaye, lekin Mir Nawazish Ali teen din tak laashon ke darmiyan pade rahe. Ek shakhs rozana aata aur halwa aur pani ka aabkhora pohnchata. Teen din ke baad log laashon ko dafan karne gaye to Mir Nawazish Ali ko unke darmiyan zinda paa kar uthaa laye aur ilaaj mulaahiza shuru hua. Zindagi baqi thi, is liye shifa pa gaye. Jab Mir Nawazish Ali apne watan Ke baad log laashon ko dafan karne gaye to Mir Nawazish Ali ko unke darmiyan zinda paa kar uthaa laye aur ilaaj mulaahiza shuru hua. Zindagi baqi thi, is liye shifa pa gaye. Jab Mir Nawazish Ali apne watan Masooli apne Murshid Hazrat Syed Mir Muhammad Ismail Wasi’I Sahib ki khidmat mein pohnche to shikayat ki ke main teen din tak laashon ke darmiyan pada raha hoon aur aap ne khabar na li. Hazrat Mir Sahib ne muskara kar farmaya: “Halwa khaa liya aur bhool gaye.” Is waqt Syed Nawazish Ali ko pata chala ke Hazrat Syed Mir Muhammad Ismail Wasi’I Sahib halwa pohnchate the. (Nazm al-Ali Qalami)
Ek dafa ka waqia hai ke Hazoor Sarkar Masooli ki khidmat mein ek aurat roti chalati, seena kobi karti hui mahal mein hazir hui. Ro ro kar kehne lagi, “Sarkar, mera aik hi larka hai, uski haalat naza’I hai, Sarkar usay theek kar dijiye.” Is par Hazoor Sarkar Masooli ne farmaya, “Ja, tera bachha khel raha hai.” Who aurat ghar pohnch kar dekhti hai ke jo larka bistar-e-marg par behaal padha tha, ab who khel raha hai. (Dar Irfaan, number 78)
Ek dafa ka waqia hai ke Hakeem Jawad Ali Qadwai, jo Masooli Sharif ke bashinda the aur jin ki umar sattar (70) saal thi, unhein apne be-olad hone ka bohot ehsaas tha. Magar umar kaafi ho chuki thi, phir bhi umeed ka daman nahi chhoda. Ek din khayal aaya ke kam az kam ek baar apne Peer-o-Murshid se arz guzar hoon, is umeed par ke “Gufta-o-Allah, guftah-Allah bood, garche halkoom Abdullah bood.” Apne Murshid ki bar-gah mein hazir hue aur kehne lage, “Sarkar ab hum se olad ki kami bardasht nahi hoti aur meri ahliya ki umar bhi bassat (62) saal ki ho gayi hai, Sarkar karam farmaiye.” Is par aap ne tabassum farmaya aur kaha, “Allah Malik hai.” Chand hi din baad Hakeem Sahib ki biwi mein kuch asaar nazar aane lagay. Waqt is khushi mein tezi ke saath guzarta gaya. Jab aath mahine ho gaye aur takleef barh gayi to daai ko bula kar dikhaya, daai ne dekh kar kaha ke “Ghazab ho gaya, unhein to marz madah hai.” Yeh suntay hi hairani aur pareshaani ke aalam mein apne Peer-o-Murshid ki khidmat mein hazir hue aur arz kiya, “Sarkar, aap ki dua se meri biwi ne jo aath mahine umeed ke saath bina takleef ke guzaare, aaj achanak unko takleef ka ehsaas hua, jis ki wajah se daai ko bulaya to usne dekh kar bataya ke yeh marz madah hai. Sarkar, ab hum log kya karein?” Is par Hazoor Sarkar Masooli ne farmaya, “Waqt poora hone dijiye, jo bhi cheez namoodaar hogi to humein khabar deejiyega.” Waqt jab poora ho gaya to who madah kharaj ho gaya. Daai ne is maday ko kone mein rakh kar bartan se dhak diya. Hakeem Sahib dobaara apne Peer-o-Murshid ke hukm mutabiq hazir hue. Hazoor
Sarkar Masooli ne farmaya: “Main ghusl kar loon to chalo.” Ghusl se farigh hone ke baad Hakeem Sahib ke saath ghar pohnchay. Hakeem Sahib ne apne Peer-o-Murshid se arz kiya, “Meri ahliya is na umeedi ke aalam mein kahin aankhein na guma de.” Is par Hazoor Sarkar Masooli ne farmaya: “Who cheez kahan hai jo namoodaar hui hai?” Daai us cheez ko le kar hazir hui aur saamne rakh diya. Hazoor Sarkar Masooli ke dast-e-paak mein jo asa’ee mubarak tha, us se teen martaba aap ne zarb diya aur phir wohi jumla irshaad farmaya, “Allah Malik hai.” Phir achanak ek bachay ki teez rone ki aawaaz aayi aur sab ne suni. Daai ne jaise hi bartan hataya to chand jaisi bachhi nazar aayi. Yeh manzar dekh kar bhi hairani aur shauq se bhar gaye. Subhan Allah! Alhamdulillah, yeh nasl aaj bhi Masooli mein aabaad hai. (Dar Irfaan, Safha Number 33)
Sarkar-E-Masauli, © 2025