Birth and Early Life

Hazrat Sarkar-E-Masauli رضي الله تعالى عنه ka Chehra-E-Anwar bilkul gol, misal chand ke daire ke tha, aur dekhne wale ko buqa-e-noor maaloom hota tha. Chashman-E-Mubarak khameeda (zara jhuki hui), surat-e-nahayat haseen maaloom hoti thi aur badarja nihayat khoobiyon se ma’moor, shaan-e-ra’nai mein yakta aur dar-baai mein bemisal thi.  

Aankh ki khush-numai ke liye jitne bhi owsaaf hone chahiyein, un tamam sifaat ka majmua aap ke chashman-e-mubarak mein badarja e’tam mojood tha. In zahiri khoobiyon ke ilawa, sharam-o-haya jo mohtaram aur mohtaat aankhon ka jawhar hai, who bhi Sarkar-E-Masauli ki chashman-e-mubarak ka khaas hissa thi.

Naak patli aur khatri bhaut khubsurat,  

Peshani hamesha khandaan,  

Zulfein siyah aur haseen. Bhari hui, resh-e-mubarak ghani aur dilkash,

Paaye-mubarak motawassit, kharay aur saaf shafaf.

Na’layn shareef ke paaye aqdas se juda hone par kabhi ghubaar na dekha gaya,

Saaf safed farsh par bhi nishan-e-qadam na padta.

Qad ziba mianah tha, libaas-e-mubarak hamesha saaf suthra aur saada hota.  

Aksar o beshtar safed angarkha aur dheela paijama zaib-e-tan farmaaya karte the.  

Sar-e-mubarak par chahartar ki kalah (char konon wali topi) hoti.  

Imamat ke waqt sar-e-aqdas par imaama shareef saja hota tha.  

Aap ke jism-e-aqdas se aisi khushgawar nekat aur khushboo aati thi ke ahl-e-iradaat ke ilawa ghair mureedeen hazraat bhi jab khidmat-e-ba-barakat mein haazir hote, toh who bhi is rooh parwar aur jaan nawaz khushboo se mazhuz ho jaate the aur aap ki shaan-e-mehboobiyat ka iqraar karte the.